blogg

Fréttir

Fyrirburafötin í biðstöðu

Það verður einhver töf á að nýjar vörur komi frá Tamiko. Eftir samskipti okkar við íslenskt framleiðslufyrirtæki á Indlandi hafa fyrirbura- og ungbarnafötin okkar verið ófáanleg, en vörurnar frá Indlandi voru að stærstum hluta óseljanlegar. Þetta var auðvitað mikið högg fyrir ungt vörumerki og óvíst hvort vörumerkið haldi áfram.

Auglýsingar
Fréttir, Nýtt

Fyrirburafötin frá Tamiko komin á Lítil skref!

Lítil skref logoFyrirburafötin frá Tamiko eru komin í netverslunina okkar Lítil skref.

Nýju fötin eru öll úr vottaðri lífrænni bómull. Þau eru líka í stærri stærðum en áður (og líka minni) og flestar týpurnar eru til í st. 32 – 80. Samfellurnar eru upp í stærð 92.

Á Lítil skref eru einnig til sölu ungbarnavörur frá ýmsum merkjum, en þær eiga það allar sameiginlegt að vera án eiturefna eins og þalata, PVC, BPA og blýs.

Fleiri vörum verður bætt inn á næstu dögum og mánuðum, og ný vörumerki að bætast við.

Kíkið á Lítil skref og munið að fylgja okkur á Facebook líka.

Nýtt

Lífræn ungbarnaföt – Íslensk hönnun

Tamiko íslenskt barnafatamerki með lífrænan fatnað. Fyrirburaföt og föt upp að 2ja ára.Eftir smávegis tafir þá er nú loksins von á nýju vörulínunni okkar í Tamiko. Við erum að opna netverslun fyrir íslenska markaðinn og gert er ráð fyrir að opna hana um miðjan janúar. Á meðan er hægt að skoða fötin og fylgjast með fréttum á Facebook síðunni Lítil skref, en það verður heiti netverslunarinnar.

Lífræn ungbarnaföt er eitthvað sem æ fleiri foreldrar leita að, enda eru ítrekað að koma upp mál í sambandi við eiturefni í fatnaði. Á síðunni verður líka eitthvað af upplýsingum um helstu eiturefnin, svo foreldrar geti verið meðvitaðir um hvar þau er helst að finna og hvernig þau geta haft áhrif á heilsu barna.

(Flest eiturefni fara úr við fyrsta þvott og því er mjög mikilvægt að þvo allan nýjan fatnað áður en barnið notar hann í fyrsta skipti.)

Nýju fötin eru líka með blýlausum smellum og pakkningar eru umhverfisvænar.

Nú bætast líka við nýjar vörutegundir, m.a. yndislega mjúk teppi og útifatnaður úr lífrænu bómullarflísi.

Á næstu vikum og mánuðum bætast svo við vörur frá völdum framleiðendum.

Ýmislegt

Huldukona greiddi upp viðskiptareikninga allra einstaklinga hjá Toys ‘R‘ Us verslun

ToysRUs layaway hero
Mynd af verslun Toys ‘R‘ Us í Virginia fylki í BNA. (Mynd Nikki Kahn/The Washington Post)

 

Einhvers staðar í Bellingham í Massachusetts fylki í Bandaríkjunum er gjafmild hetja.

Það sannaðist fyrr í vikunni, þegar viðskiptavinir hjá Toys ‘R‘ Us komust að því að konan, sem ekki er vitað hver er, labbaði inn og greiddi upp alla viðskiptareikninga í versluninni.

Já. Alla. Reikninga. Viðskiptavina.

Það þýðir að konan greiddi fyrir vörur að andvirði um 2,5 milljóna króna, á meira en 150 reikningum, samkvæmt frétt frá Milford Daily News.

„Þetta stórkostlega góðverk er sönn birtingarmynd jólaandans,“ segir í fréttatilkynningu frá Toys ‘R‘ Us.

Nánar um það sem gerðist:

Starfsmenn lýstu konunni sem glaðlegri, eldri konu sem býr í bænum. Hún bauð verslunarstjóranum faðmlag og á að hafa sagt, „Ef þið hafið það, gefið það.“

Einn starfsmaður sagði að konan hafi sagt henni að vitandi það að reikningar fólks væru greiddir mundi hjálpa henni að „sofa betur á nóttunni.“

 

Svona hefur gerst áður. T.d. í fyrra, þegar maður á Flórída eyddi 2,5 milljónum króna í Walmart verslun með því að greiða upp reikninga ókunnugra.

„Ég veit að það hafði samstundis áhrif á fólk. Ég meina að þau voru að fá sms um að það væri verið að greiða inn á reikningana þeirra meðan þau voru í versluninni og fólk var að hringja og segja „ég held það hafi orðið mistök,“ sagði Greg Parady, samkvæmt frétt ABC. „Þetta var svo sérstakt. Það var mjög sérstakt.“

Daily News talaði við viðskiptavin sem átti reikning sem var greiddur í vikunni. Konan, sem gaf aðeins upp fyrra nafn sitt, Linda, sagði að hún hafi aðeins átt 1.100 krónur þegar hún fór að kaupa jólagjafir handa tveimur sonum sínum.

„Ég hugsaði, ‚Þú ert að grínast í mér,‘“ sagði konan, þegar hún lýsti símtalinu sem hún fékk frá Toys ‘R‘ Us, þar sem henni var sagt frá því að reikningurinn hennar væri greiddur. „Mig langaði næstum því að gráta. Það voru ekki nema 6.000 krónur, en fyrir mér er það mikill peningur og ég fékk gæsahúð af tilhugsuninni um að einhver skyldi fara og gera þetta.“

Hún bætti við: „Það sem hún gerði lýsti svo mikilli umhyggju og hugulsemi. Mér finnst ég hafa verið hluti af einhverju sérstöku – snert af engli.

 

 

 

Fréttir, Nýtt

Íslenskt barnafatamerki með lífræn föt

Tamiko hefur framleitt fyrirbura- og nýburafatnað frá 2012, en nú er merkið að stækka og mun bjóða vörur fyrir börn að 2ja ára aldri. Tamiko er íslenskt barnafatamerki með lífrænar vörur

Allar vörurnar verða úr 100% lífrænni bómull með blýlausum smellum.

Þetta er fyrsta íslenska barnafatamerkið með lífræn föt, sem við vitum af, og stefnan er að framleiða eingöngu vörur úr lífrænum efnum. Það á líka við um teppi og utanyfirfatnað sem kemur á markað nú í desember. Þær vörutegundir líta út fyrir að vera flís en eru í raun gerðar úr lífrænni bómull sem er með flísáferð.

Allar vörurnar verða til í fyrirburastærðum og upp í stærð 74/80 eða 86/92, en það fer eftir vörutegundum.

Endilega skoðið myndir sem eru komnar á síðuna okkar HÉR.

Fréttir, Nýtt, Rannsóknir

Áhrif gasmengunar á meðgöngu

Nýlegar rannsóknir hafa leitt í ljós að tengsl eru á milli fyrirburafæðinga og loftmengunar af völdum brennisteinsdíoxíðs (SO2)

 

Fyrri rannsóknin sem er vitnað í hér var gerð í Kanada 2010 (Mount Sinai sjúkrahúsið og Toronto háskóli), en það er samantekt á 41 rannsókn um loftmengun og fæðingarútkomu.

Talið er að nokkrir þættir liggi að baki neikvæðum niðurstöðum fæðinga meðal mæðra sem komast í snertingu við loftmengun (þ.e. með innöndun), m.a. bólga og bein eitrunaráhrif á fóstur og fylgju.

Niðurstaða rannsóknarinnar sýndi fram á tengsl milli innöndunar brennisteinsdíoxíðs (SO2) og fyrirbura- og léttburafæðinga.

Innöndun brennisteinsdíoxíðs (SO2) var tengd við fyrirburafæðingar, innöndun fínna agna ≤2,5 μM (PM2,5) var tengd við léttburafæðingar, fyrirburafæðingar og fæðingar þar sem börn voru fædd lítil m.v. meðgöngulengd, og innöndun agna smærri en 10 μM (PM10) var tengd við fæðingar þar sem börn fæddust lítil m.v. meðgöngulengd. (Nánari útskýring á mælieiningum er hér neðar.)

 

Það er því full ástæða fyrir ófrískar konur að fylgjast vel með mengunarmælingum á því svæði sem þær eru á og fylgja fyrirmælum yfirvalda. Ófrískar konur eiga að fara eftir sömu tilmælum og er beint til fólks með undirliggjandi sjúkdóma (og barna).

 

Önnur rannsókn, sem var framkvæmd í Bandaríkjunum á þessu ári, leiddi í ljós að tengsl eru milli loftmengunar (m.a. vegna brennisteinsdíoxíðs) og háþrýstingsraskana á meðgöngu. Raskanir geta m.a. verið meðgöngueitrun, sem er algeng orsök fyrirburafæðinga. Sú rannsókn verður birt í heild sinni árið 2015.

 

Til að skilja betur þessar mælieiningar eru hér eftirfarandi útskýringar;

PM2,5 eru smærri agnir en PM10, en almennt er talað um að agnir séu hættulegri heilsu eftir því sem þær eru minni. PM2,5 eru agnir sem eru minni en 2,5 míkrómetrar í þvermál (u.þ.b. 1/4 af ummáli hárs), en þær komast enn dýpra ofan í lungun en PM10.

 

Úr áfangaskýrslu til Vegagerðarinnar fyrir árið 2008; Svifryksmengun vegna umferðar:

„Því fínna sem svifrykið er því dýpra kemst það niður í lungun og verður þeim mun skaðlegra heilsu manna. Auk þess eru fínni agnir frekar samsettar úr skaðlegum efnum en þær grófari (Þór Sigurðarson, 2006). Sem stendur eru eingöngu til reglur sem takmarka PM10, en í Bandaríkjunum hafa nýlega verið settar reglur þar sem sólarhrings viðmiðunarmörk fyrir fínt svifryk (PM2,5) voru lækkuð úr 65 µg/m3 í 35 µg/m3 vegna hættulegra áhrifa á heilsufar fólks (Environmental Protection Agency, 2006).“

 

 

Gagnlegir tenglar

Vefur Umhverfisstofnunar er hægt að fylgjast með mælingum á loftgæðum víðsvegar um landið

Nýjustu tilkynningar frá Almannavörnum

Viðbrögð við mikilli SO2 mengun

Fréttir

Hefja inn­flutn­ing á brjóstamjólk til Íslands

Fyrirburi fær brjóstamjólk gegnum fæðuslönguÞetta eru góðar fréttir fyrir marga foreldra fyrirbura á Íslandi. Mjólkurbankar eru algengir erlendis, en hingað til hefur þessi þjónusta ekki verið í boði á Íslandi.

Brjóstamjólkin er notuð fyrir fyrirbura ef móðir getur ekki mjólkað sig t.d. vegna veikinda, eða í tilvikum þegar móðirin er ekki til staðar. Brjóstamjólk er gífurlega mikilvæg fyrirburum og margar rannsóknir sýna fram á gagnsemi hennar.

Í frétt um málið á Mbl kemur þetta fram; „Sýnt hef­ur verið fram á að virka ensímið í brjóstamjólk­inni hef­ur komið til hjálp­ar þegar melt­ing­ar­veg­ur­inn er óþroskaður og forðað nýbur­um frá sýk­ing­um.“

Smellið hér til að lesa alla fréttina.

 

Nýtt

Ný grein á heimasíðunni; Kengúrumeðferð fyrirbura

Kengúrumeðferð er notuð til að heila fyrirburaKengúrumeðferð er lýsing á aðferð sem er notuð til að heila fyrirbura á nýburagjörgæslum.

Smelltu hér til að lesa um hvernig feður og mæður geta notað aðferðina til að flýta fyrir bata fyrirburans og til að tengjast barninu.

 

Reynslusögur

Ertu fyrirburaforeldri og langar að deila þinni reynslusögu?

Okkur vantar fleiri reynslusögur hér á síðuna. Tilgangurinn með þeim er að hjálpa foreldrum sem hafa nýlega átt barn fyrir tímann og vita ekki hverju er að búast við eða hvað telst „eðlilegt.“

Sögurnar mega vera nafnlausar ef þess er óskað, en helst með mynd af barninu.

Kíktu á sögurnar sem eru komnar til að fá hugmynd um hvernig þær eru settar upp. Það eru engar reglur um uppsetningu, en það er gott að taka fram hvernig fyrstu einkenni voru og hvort ástæða fyrirburafæðingar var þekkt.

Svo má líka alltaf senda póst á tamiko@sigurast.com til að spyrja 🙂